Study group mein normally Siya Rathore zyada baat nahi karti thi.

Woh bas apne doubts solve karti, kisi ka question ho toh short answer de deti... aur phir chup ho jaati.

Lekin us raat Aditya ke saath hui ek chhoti si conversation ke baad kuch badal gaya tha.

Ab kabhi-kabhi Siya group chat mein hasi-majak bhi kar leti thi.
Memes par reply kar deti...
Kisi ke doubt ko funny tareeke se explain kar deti.

Group ke members ko bhi laga ki ye serious si ladki actually kaafi funny hai.

Us group mein ek aur Siya thi — Siya Dixit.

Woh sabse senior thi, married bhi thi aur saath mein Company Secretary ki preparation kar rahi thi.

Group ke almost sab members unhe "Didi" kehte the.

Unki personality energetic thi.
Kabhi motivation, kabhi jokes, kabhi study tips...

Sach mein woh poore GC ki jaan thi.

Shuru mein Siya Rathore aur Siya Dixit ke beech bhi normal baat-cheet hoti thi.

Par ek din...

Ek chhoti si baat par discussion start hua.

Discussion dheere-dheere argument mein badal gaya.

Siya Rathore apni baat par confident thi...
Aur Siya Dixit ko laga ki woh unhe disrespect kar rahi hai.

GC mein messages tez-tez aane lage.

Kisi ne Siya Dixit ka support kiya.
Kisi ne indirectly Siya Rathore ko rude bol diya.

Aur kuch hi minutes mein...

Poora group Siya Rathore ke against ho gaya.

"Attitude kitna hai..."
"Senior se aise baat karte hain kya?"
"Group ka environment kharab kar diya..."

Library ke ek kone mein baithi Siya Rathore bas phone screen ko dekhti rahi.

Usne kai baar kuch type kiya...
Aur har baar message delete kar diya.

Us pal use sirf ek hi cheez mehsoos hui —

Poora group uske khilaaf khada tha.

Aur Delhi mein apne flat mein baitha Aditya...

Woh sab kuch silently dekh raha tha.

Siya ko nahi pata tha kyun...

Par uske dil mein ek chhoti si umeed thi —

"Chahe poora group mujhe galat samjhe... shayad Aditya mujhe samjhega." ❤️