Library ke us corner mein baithi Siya Rathore bas phone screen ko dekh rahi thi.

GC mein messages ab bhi aa rahe the… ek ke baad ek.

“Attitude kitna hai…”

“Senior se aise baat karte hain kya?”

“Group ka environment kharab kar diya…”

Siya ne ek baar reply type kiya…

phir ruk gayi… aur message k, ar diya.

Uske andar bas ek hi feeling thi —

poora group uske against khada tha.

Par pata nahi kyun… uske dil mein ek choti si ummeed thi.

“Koi samjhe ya na samjhe… Aditya zaroor samjhega.”

Delhi mein apne flat mein baitha Aditya bhi woh sab silently dekh raha tha.

Kuch der baad…

Siya ke phone par ek DM notification aayi.

Aditya:

“Siya… aap kya kar rahe ho?

Woh humse bade hain. Hume aise baat nahi karni chahiye thi.

Please Siya didi ko sorry bol do.”

Message padhte hi Siya ka dil ek second ke liye ruk gaya.

Usne socha tha Aditya uska side lega…

par usne toh bilkul opposite keh diya.

Us moment mein Siya ko samajh hi nahi aaya ki use itna bura kyun lag raha hai.

Shayad isliye…

kyunki jisse woh samajhne ki umeed kar rahi thi,

woh bhi uske against khada lag raha tha.

Kuch der tak woh phone ko dekhti rahi.

Phir usne deep breath li…

aur Siya Dixit ko message type kiya.

Siya Rathore:

“Sorry di…

shayad main aapse thoda rude ho gayi thi.

Really sorry.”

Message send karne ke baad kuch seconds tak reply nahi aaya.

Phir notification blink hui.

Siya Dixit:

“Arre Siya… I am sorry too.

Meri bhi galti thi. Argument tha… dono ne kiya.

Toh galti bhi dono ki hi hai.”

Bas…

ek simple si conversation mein sab clear ho gaya.

Jo GC kuch der pehle battlefield bana hua tha…

ab sab normal ho chuka tha.

Gc ke sare members ne bhi siya ko sorry bola or siya ne bhi sabse ache se baat ki

Thodi der baad baat-cheet mein ek aur interesting baat pata chali.

Siya Dixit suddenly boli —

“Waise… tumhari ek sister hai na… Nisha Rathore?”

Siya Rathore thoda surprise ho gayi.

“Haan… par aapko kaise pata?”

Siya Dixit hasi.

“Arre… woh meri old friend hai.”

Us moment mein Siya sach mein shock ho gayi.

Duniya sach mein choti hoti hai.

Us din ke baad…

Siya Rathore ke liye Siya Dixit sirf GC ki senior nahi rahi.

Woh uske liye ek badi behen jaisi ban gayi.