Agli subah…

GC surprisingly calm tha.

Kal ka storm jaise kabhi aaya hi nahi tha.

Ek member ne meme bheja —

“Kal ka war… aaj ka peace treaty 🤝😂”

Siya Rathore ne pehli baar bina soche reply kiya —

“Peace maintain rehna chahiye warna main phir rude ho jaungi 😌”

GC mein turant replies aaye —

“Arey nahi nahi ab sab sorted hai 😭”

“Siya ab toh tu mast lag rahi hai yaar”

“Attitude nahi… swag hai 😎”

Siya halka sa smile karne lagi.

Kal tak jo log uske against the…

aaj woh uske saath normal baat kar rahe the.

Tabhi Siya Dixit ka message aaya —

“Good morning baccho ☀️

Aaj ka target complete hona chahiye, no excuses.”

Siya Rathore ne turant reply kiya —

“Ji di 🫡”

GC mein kisi ne tease kiya —

“Ohooo kal tak fight aaj ‘di di’ 😏”

Siya ne reply kiya —

“Respect dena aata hai mujhe… bas log deserve karne chahiye 😌”

Aur is baar…

GC mein kisi ne oppose nahi kiya.

Same time — Delhi

Aditya phone screen ko dekh raha tha.

Siya ke messages padhte hue uske lips pe halka sa smile tha.

“Kal tak itni defensive thi… aaj itni calm kaise ho gayi…”

woh khud se hi soch raha tha.

Par uske andar ek choti si guilt bhi thi.

Kya usne kal thoda zyada strict bol diya tha?

Kuch seconds sochne ke baad…

usne Siya ko DM kiya.

DM – Aditya → Siya Rathore

“Hi…

Aaj better feel kar rahi ho?”

Siya ne message dekha…

typing box open kiya… phir close… phir open…

“Hmm… haan. Better.”

Aditya:

“Good.

Aur… kal ke liye sorry agar thoda harsh lag gaya ho.”

Siya screen ko dekhti reh gayi.

Usne expect nahi kiya tha ki woh sorry bolega.

Siya:- “Nahi… aap galat nahi the.

Bas… mujhe laga tha aap samjhoge.”

Message send karte hi uska dil fast dhadakne laga.

Zyada bol diya kya?

Kuch seconds…

phir Aditya ka reply aaya —

“Main samajhta hoon Siya…

tabhi toh bola tha sorry bol do.

Kabhi kabhi right hone se zyada zaroori hota hai… relationship save karna.”

Siya thodi der tak us line ko padhti rahi.

“Relationship save karna…”

Pata nahi kyun…

Uske dil ko yeh line touch kar gayi.

GC mein meanwhile…

Ek doubt aaya — tough wala.

Sab try kar rahe the… par solve nahi ho raha tha.

Siya Rathore ne quietly solution type kiya…

aur send kar diya with proper explanation.

2 seconds silence…

phir —

“DAMN 🔥”

“Yeh kaise kiya tune?”

“Siya tu topper nikli 😭”

Siya thodi awkward feel karne lagi.

Tabhi Aditya ka message GC mein aaya —

“Perfect explanation 👍

Isi tarah concise answer likhna exam mein.”

Simple sa message tha…

par Siya ke liye woh kaafi tha.

Usne bas ek “👍” react kiya…

par andar se woh smile kar rahi thi.

Back to DM…

Aditya:

“Waise genuinely…

tum smart ho. Bas thoda gussa control karo.”

Siya ne turant reply kiya —

“Main gussa nahi karti 😤”

Aditya:

“Accha? Kal ka scene kya tha phir 😄”

Siya:

“Woh… situation hi aisi thi.”

Aditya:

“Haan… aur tum bhi 😌”

Siya ne screen ko dekha…

aur bina soche ek reply type kar diya —

“Matlab?”

Aditya:

“Matlab… thodi si complicated ho.

Par interesting bhi.”

Siya ka heart literally ek beat skip kar gaya.

Usne phone side mein rakh diya…

aur face pe haath rakh ke halki si smile ki.

“Yeh kya tha…?”

Raat ko…

GC quiet tha.

Sab apne kaam mein busy.

Siya Rathore bed par leti hui thi…

phone haath mein…

Aditya ka last message screen par tha —

“Good night, Siya.

Aur haan… overthink mat kiya karo.”

Siya ne dheere se type kiya —

“Good night… Aditya.”

Send karne ke baad woh kuch seconds tak screen dekhti rahi…

phir phone band kar diya.

Par neend aane se pehle…

ek hi thought repeat ho raha tha —

“Shayad… yeh banda sach mein mujhe samajh sakta hai…”