Tabhi room ka door halka sa khula...

Nisha Rathore andar aayi. Haath mein makeup brushes ka pouch tha aur chehre par hamesha wali warm smile.

"Arey Siyu bacha... kya kar rahi ho?" Nisha ne bed ke paas baithte hue poocha. "Aur study kaisi chal rahi hai?"

Siya ne phone side mein rakha.

"Achhi chal rahi hai di... lekin mujhe aapse kuch poochna tha."

Nisha muskurayi.

"Haan bacha, pooch na."

Siya ne phone unlock kiya aur Siya Dixit ki profile photo dikha di.

"Didi... aapki koi friend bhi thi Siya naam ki?"

Photo dekhte hi Nisha ki aankhon mein pehchaan chamak uthi.

"Haan... thi nahi, hai. Bas ab pehle jaisi baat nahi hoti."

Siya thodi seedhi baith gayi.

"Ye wali?"

"Haan." Nisha ne dheere se kaha. "Tum kaise jaanti ho ise?"

"CS group mein mili thi. Phir baat hone lagi... aur pata chala ki aap dono friends ho."

Nisha ke chehre par halki si smile aa gayi.

"Small world."

Siya ne hichkichate hue kaha,

"Waise di... kal meri aur Siya di ki thodi argument ho gayi thi. Shayad main thodi rude ho gayi thi."

"Bas itni si baat?" Nisha hansi. "Tension mat lo. Wo dil ki bahut achhi hai."

"Sorry bol diya maine... aur unhone maaf bhi kar diya."

Nisha kuch seconds chup rahi.

Phir usne Siya ka haath pakad liya.

"Siyu... ek baat yaad rakhna."

Siya ne uski taraf dekha.

"Kuch bhi ho jaaye... kabhi uski aankhon mein aansu mat aane dena."

Siya thoda confuse ho gayi.

"Didi?"

Nisha ki smile halki si feeki pad gayi.

"Usne life mein bahut kuch saha hai. Log uski smile dekhte hain... par us smile ke peeche kitna dard hai, ye bahut kam log jaante hain."

Room mein kuch pal ke liye khamoshi chha gayi.

Siya dheere se boli,

"Kya hua tha Siya di ke saath...?"