Siya Dixit:"Hemaxi, ek minute."

GC mein achanak khamoshi chha gayi.

Siya Dixit:"Kisi ke actions par opinion rakhna alag baat hai... lekin kisi ke character par ungli uthana alag. Aur tumne line cross ki hai."

Hemaxi:"Di, maine bas—"

Siya Dixit:"Nahi. Pehle meri baat suno."

Kuch seconds tak kisi ne kuch nahi likha.

Siya Dixit:"Ek mazaak pasand nahi aaya toh uske baare mein bol sakti thi. Lekin kisi ko characterless kehne ka haq tumhe kisne diya?"

GC bilkul silent tha.

Phir Siya Dixit ki nazar Aditya ke naam par ruki.

Siya Dixit:"Aur Aditya..."

Aditya:"Ji Di."

Siya Dixit:"Jab sab uspar sawal utha rahe the... tab tum kahan the?"

Aditya ne type kiya...phir message delete kar diya.

Siya Dixit:"Main ye nahi pooch rahi ki tumhare aur Siya ke beech kuch hai ya nahi. Main ye pooch rahi hoon ki jab tumhe pata tha baat galat direction mein ja rahi hai, tab tumne kuch kaha kyun nahi?"

Aditya ke paas jawab nahi tha.

Aditya:"Sorry Di..."

Siya Dixit:"Kabhi kabhi neutral rehna bhi galat side choose karne jaisa hota hai."

Uske baad GC mein koi message nahi aaya.

Aur Siya Dixit ne seedha Siya Rathore ko call kar diya.