Sunday ki dopahar thi. Rohan apne kaam par ja chuka tha aur Siya Dixit ghar par akeli bore ho rahi thi. Usne apna phone uthaya aur GC check kiya, jahan sab pehle se hi masti ke mood mein thay.

Siya: "Hey guys! Kya ho raha hai? Main toh yahan bore ho kar pagal ho rahi hoon."

Gaurav: "Dii, toh Jiju ke paas jaiye na! Wo saari boring-ness ek minute mein nikal denge 🌚."

Siya: "Haha, chup kar! Wo ghar par nahi hain, office gaye hain."

Gaurav: "Haww! Sunday ko bhi kaam? Very boring dii."

Siya: (Muskurate hue type karti hai) "Bilkul nahi! Woh boring toh bilkul nahi hain, balki ultra pro max romantic person hain."

Sabne Siya ko chhedna shuru kar diya—"Ohhh hooo!", "Dii toh blush kar rahi hain!" Tabhi kisi ne pucha, "Dii, apni love story toh batao? Aap aur Jiju pehli baar kaise mile?"

Siya: "Guys, bahut lambi kahani hai..."

Sab: "Dii, hum sab sunne ke liye taiyaar hain, please batao na!"

Siya ne ankhein band ki aur purani yaadon mein kho gayi...

FLASHBACK: 8th Standard (The First Encounter)

School ka mid-term chal raha tha. Siya ne half-semester ke baad school join kiya tha. Class mein sab naye chehre thay, lekin ek ladka sabse alag tha—Rohan. Rohan isi saal school aaya tha, par uski intelligence aur khamoshi ke charche poori class mein thay.

English ke period mein teacher ne kaha, "Siya, tumhara kaam incomplete hai. Tum Rohan se notebook le lo, uski handwriting bahut saaf hai aur wo kafi intelligent hai."

Siya ne 'Ok sir' toh keh diya, par jaise hi teacher gaye, baaki ladkiyan uske paas aa gayi.

Girl 1: "Siya, usse mat lena book. Wo bahut bada khadoos hai!"

Siya: "Arre, mujhe kya karna hai uske nature se? Mujhe bas notebook chahiye."

Siya himmat karke Rohan ki desk ke paas gayi. Rohan apni dhun mein kuch likh raha tha.

Siya: "Rohan? Mujhe tumhari English ki notebook chahiye thi..."

Rohan ne ek baar bhi sar utha kar Siya ki taraf nahi dekha. Usne bina kuch kahe apne bag se notebook nikali aur table par rakh di. Ek second ke liye bhi uski nazrein Siya se nahi mili.

“Kitna ajeeb hai ye,” Siya ne socha aur apni seat par aa gayi.

The "Sada Hua Karela" Moment

School ka aakhri period khatam hua. Chutti ki bell bajte hi Siya bhagte huye Rohan ke paas gayi.

Siya: "Rohan, mera kaam abhi poora nahi hua hai. Kya main ye ek din ke liye ghar le ja sakti hoon?"

Rohan: (Rukhi awaaz mein) "Theek hai, lekin kharab mat karna."

Siya ka munh ban gaya. Usne man hi man socha, “Haa, jaise toh main iski book khaa jaungi! Sada hua karela kahin ka... 😏”

Agle din Siya ne bade dhyan se kaam poora kiya aur Rohan ko book wapas di.

Siya: "Ye lo tumhari book. Thank you so much, tumne meri help ki."

Lekin Rohan? Usne "Welcome" kehna toh door, pehle apni book kholi aur har page check karne laga ki kahin koi daag ya mod toh nahi aaya. Siya ko dekh kar itna gussa aaya ki usne apne nakhun hatheliyon mein gadh liye.

Siya: (Man mein) "Had hai badtameezi ki! Main yahan thank you bol rahi hoon aur ye check kar raha hai jaise maine iska koi khazana chura liya ho. Sach mein, sada hua karela hi hai ye!"

Rohan ne book band ki aur bina kuch kahe wapas apne Maths ke sums solve karne laga. Siya wahan se pair patakti hui chali gayi.