(São Paulo – Early Morning)

São Paulo ki subah har din shor se shuru hoti thi...
Lekin aaj...
Khamoshi kuch zyada hi daraavni thi.
Brazil ki har gali, har shehar aur har club me sirf ek hi naam gunj raha tha...
The Ruhani Kapoor.
Raat ki ghatna ki khabar hawa se bhi tez phail chuki thi.
(Private Jet – Complete Darkness)
Jet ke andar sirf emergency lights blink kar rahi thi.
Harsh ka gala sookh chuka tha. Haath kaanp rahe the.
Assistant: "Sir... system completely dead hai... engines respond nahi kar rahe."
Harsh (ghabrahat me): "Ye impossible hai! Ye duniya ka sabse secure private jet hai!"
Tabhi cockpit ke speakers se ek thandi, shaant aur zehreeli awaaz gunji.
Ruhani (Voice Over):"Secure sirf tab tak hota hai... jab tak main chaahun."
Harsh seat ko kas kar pakad leta hai.
Harsh: "Ruhani... please... maine jo kiya majboori me kiya tha... paison ka pressure tha."
Ruhani:"Majboori sabke paas hoti hai, Harsh... farq sirf itna hai... kuch log jhuk jaate hain, aur kuch log itihas bana dete hain."
Usi pal emergency exit lock ho jaate hain.
Assistant (ghabra kar): "Sir... doors lock ho gaye!"
Screen achanak black ho jaati hai.
───
(Brazil Police Headquarters)
Devansh ek nayi file table par patakta hai.
Devansh: "Sir... Harsh ke private jet ka signal achanak vanish ho gaya."
Vihaan gehri saans leta hai.
Vihaan: "Maine pehle hi kaha tha... Ruhani sirf ek mafia nahi... wo poora system hai."
Rohan: "Sir... iska matlab Harsh..."
Vihaan: "Abhi kuch kehna jaldi hoga... lekin jisne ye game shuru kiya hai, uska agla move aur bhi khatarnak hoga."
(Ruhani's Mansion)

Ruhani khidki ke paas khadi thi.
Neeche poora São Paulo chamak raha tha...
Bilkul waise hi jaise toofan se pehle samandar shaant hota hai.
TV screen par jet ka last signal blink karta hai...
DISCONNECTED.
Mihir room me aata hai.
Mihir: "Mam... signal gayab ho gaya."
Ruhani bina palte wine ka ek sip leti hai.
Ruhani: "Game abhi khatam nahi hua, Mihir... asli khel ab shuru hoga."
Mihir: "Police active ho chuki hai. Devansh aur Vihaan dono case handle kar rahe hain."
Ruhani ke honton par halki si muskaan aa jaati hai.
Ruhani: "Tabhi to maza aayega."
(Somewhere Near a Remote Island)

Samundar ke beech ek sunsaan ilaake me door aasman me ek zor ka dhamaka goonjta hai.
Private jet aag ke gole me badal jaata hai.
Rescue team pahunchti hai...
Lekin...
Na koi body milti hai.
Na koi saboot.
Sirf ek encrypted message recover hota hai—
"Jo mere saath dhokha karega... uska naam bhi waqt ke saath mit jayega."
Meeting room me gehri khamoshi chha jaati hai.
Devansh: "Ye sirf warning nahi hai..."
Vihaan: "...ye challenge hai."
Aur kahin door...
Ruhani shehar ki roshniyon ko dekhte hue dheere se muskurati hai.
"Game abhi shuru hua hai."