(Brazil Police Headquarters – Investigation Room)

Poore investigation room me sirf ek hi case ki files bikhri hui thi...

"Harsh Private Jet Explosion."

Har screen par crash site ki photos chal rahi thi.

Devansh file table par patakta hai.

Devansh: "Sir... rescue team ne poora area search kar liya."

(Vihaan uski taraf dekhta hai.)

Vihaan: "Bodies?"

(Devansh dheere se sir hila deta hai.)

Devansh: "Not a single body, sir."

Room me gehri khamoshi chha jaati hai.

Rohan laptop kholta hai.

Rohan: "Sir... jet ke black box ka bhi koi trace nahi mila."

Vihaan gehri saans leta hai.

Vihaan: "Ek private jet hawa me blast hota hai... na bodies milti hain... na black box... aur na hi koi witness."

Devansh: "Sir... iska matlab Harsh zinda bhi ho sakta hai."

(Vihaan kuch der tak chup rehta hai.)

Vihaan: "Ya phir... kisi ne saboot mitane me koi kasar nahi chhodi."

Usi waqt ek officer room me daudte hue aata hai.

Officer: "Sir... crash site se ek encrypted pen drive recover hui hai."

(Sabki nazrein us pen drive par tik jaati hain.

Laptop se connect karte hi screen black ho jaati hai.)

Kuch seconds baad ek line blink karti hai—

"The Hunt Has Just Begun.😉"

Aur uske turant baad screen automatically shutdown ho jaati hai.

Room me phir se sannata chha jaata hai.

───

(Ruhani's Mansion – Private Office)

Ruhani floor-to-ceiling glass window ke saamne khadi poora São Paulo dekh rahi thi.

Mihir room me enter karta hai.

Mihir: "Mam... police investigation officially shuru ho chuki hai."

Ruhani bina palte muskurati hai.

Ruhani: "Unhe investigation karne do..."

Mihir: "Aur Harsh?"

Ruhani wine glass ko dheere se table par rakh deti hai.

Ruhani: "Harsh zinda hai ya mar chuka hai..."

"...ye sirf mujhe pata hai."

Mihir ke chehre par halki si muskaan aa jaati hai.

Mihir: "Mam... next order?"

Ruhani apni desk ki drawer kholti hai.

Andar kai confidential files rakhi hoti hain.

Wo unme se ek file nikaalti hai.

File ke cover par sirf ek naam likha hota hai...

RAGHAV MEHRA

Ruhani us naam par ungli ghumati hai.

Ruhani: "Agla shikaar..."

"...Raghav Mehra "

Mihir sir jhuka deta hai.

Mihir: "Understood, Mam."

Ruhani ki aankhon me wahi thandi muskaan laut aati hai.

Ruhani: "Jo mere saath dhokha karta hai..."

"...main usse sirf maut nahi deti."

"...main uska wajood mita deti hoon."

Room ki lights dheere-dheere dim ho jaati hain.

Aur kahin door...

Ek anjaana shaks Ruhani ki har movement par nazar rakhe hue tha.

To Be Continued...